აშშ პრეზიდენტმა დონალდ ტრამპმა ნორმალურ მოვლენად მიიჩნია საპრეზიდენტო არჩევნების დროს სხვა ქვეყნების ხელისუფლებისგან ოპონენტზე მაკომპრომეტირებელი ინფორმაციის მიღება. ამის შესახებ ტრამპმა ინტერვიუ ABC News-ს მისცა.

ტრამპმა განაცხადა, რომ ცუდს ვერაფერს ხედავს იმაში, რომ მიიღოს ინფორმაცია ოპონენტზე, თუნდაც სხვა სახელმწიფოების მთავრობებისგან. მისივე თქმით, ეს დაახლოებით იგივეა, რასაც ოპოზიცია მუდმივად აკეთებს თავისი ინსტიტუტების მეშვეობით და ეს ცნობები უპრობლემოდ ქვეყნდება როგორც „ოპოზიციური კვლევა“.

კითხვაზე, ჩააყენებს თუ არა ამის თაობაზე საქმის კურსში „ეფ-ბი-აის“, აშშ-ს პრეზიდენტმა განაცხადა, რომ შესაძლოა, თუ რაიმეში ეჭვი შეეპარება.