„საუკეთესო ქუჩის სტილი თბილისის მოდის კვირეულიდან“ - ამ სათაურით გავლენიანი ჟურნალი „Vogue“ მკითხველს საქართველოს დედაქალაქს აცნობს. როგორც „ინტერპრესნიუსს“ ტურიზმის ეროვნული ადმინისტრაციის პრესსამსახურიდან აცნობეს, პოპულარული გამოცემა Vogue-ის ჟურნალისტმა ტურიზმის ეროვნული ადმინისტრაციის მოწვევით იმოგზაურა და Mercedes-Benz Fashion Week Tbilisi-ის მოდის კვირეულს დაესწრო.
„საქართველოს დედაქალაქი ბოლო წლებში წარმატებული დიზაინერების ინკუბატორად იქცა, ადგილობრივი დიზაინერები გამოირჩევიან თამამი, ულტრათანამედროვე ქუჩის სტილით, საქართველოში მოდა ყოველთვის მოწინავე პოზიციებზეა, ეს არის დემნა გვასალიას სამშობლო“, - წერს Vogue -ის ჟურნალისტი რადიკა სეთი.