თვითგამოცხადებული დონეცკისა და ლუგანსკის სახალხო რესპუბლიკების მოსახლეობის ნაწილს რუსული პასპორტები გადასცეს. უკრაინის ცენტრალური ხელისუფლების არაკონტროლირებად ტერიტორიაზე რუსული პასპორტი პირველმა 60-მა ადამიანმა გამარტივებული წესით მიიღო.

პასპორტების გაცემის პროცესი საზეიმო ვითარებაში გაიმართა. შესაბამის ბრძანებას კრემლის ლიდერმა ვლადიმერ პუტინმა ვლადიმერ ზელენსკის გამარჯვებიდან რამდენიმე დღეში მოაწერა ხელი. უკრაინის ხელისუფლების განცხადებით, ისინი არაკანონიერად ჩათვლიან რუსეთის მიერ გაცემულ პასპორტებს.

პრემიერ-მინისტრის ვლადიმერ გროისმანის განცხადებით, უკრაინა არასდროს აღიარებს პასპორტებს, რომლსაც აგრესორი ქვეყანა გასცემს. გროისმანმა მხარდაჭერისთვის პარტნიორ ქვეყნებსაც მიმართა.