ფოთში ტაეკვონდოს ღია ჩემპიონატზე მომხდარ ინციდენტში მონაწილე ტაეკვონდოს ფედერაციის გამგეობი წევრი გიორგი აბულაძე ფოთის პოლიციიდან ქუთაისში ექსპერტიზაზე გადაიყვანეს. მას ჟურნალისტებთან კომენტარი არ გაუკეთებია.

შეგახსენებთ, რომ დაპირისპირება ტაეკვონდოს მწვრთნელებსა და გიორგი აბულაძეს შორის ჩემპიონატზე დაიწყო, რაც მოგვიანებით დარბაზის გარეთ გაგრძელდა და ფიზიკურ დაპირისპირებაში გადაიზარდა. სამართალდამცველებმა სამი მწვრთნელი დააკავეს.

მწვრთნელების თქმით, აბულაძე მათ უცენზურო სიტყვებით მიმართავდა. მათივე ინფორმაციით, პროვოკაცია აბულაძემ შეგნებულად მოაწყო.

შსს გამოძიება სსკ-ის 126 -ე მუხლით დაიწყო, რაც ძალადობას გულისხმობს. ფოთის პოლიციის შენობასთან ამ დრომდე რჩებიან ტაეკვონდოს მწვრთნელები და დაკავებულების გათავისუფლებას ითხოვენ.