ლევან ვასაძე - ძალიან სჭირდებათ,  რომ გარყვნილების საჯარო ზეიმი ჩატარდეს, რადგან მათ ძალიან კარგად იციან, რომ ეს არის საკრალური, ზებუნებრივი აქტი ერის ნამუსის ახდის

ძალიან სჭირდებათ, რომ გარყვნილების საჯარო ზეიმი ჩატარდეს, რადგან მათ ძალიან კარგად იციან, რომ ეს არის საკრალური, ზებუნებრივი აქტი ერის ნამუსის ახდის,- ამის შესახებ ბიზნესმენმა ლევან ვასაძემ ვერის ბაღში გამართულ შეკრებაზე განაცხადა.

როგორც ვასაძემ განაცხადა, დღეს ვერის ბაღში შეკრების მიზეზი სამშობლოსთვის არეულობის აცილებაა.

„ჩვენ აქ შევიკრიბეთ იმისთვის, რომ ჩვენს სამშობოლოს ავარიდოთ არეულობა. ჩვენ აქ შევიკრიბეთ იმისთვის, რომ ჩვენს ქვეყანაში იყოს სიმშვიდე, წესრიგი, სიყვარული და ზნეობა. ჩვენ აქ არეულობისთვის არ მოვსულვართ. ჩვენი ერი, ქვეყანა დაიღალა გაუთავებელი არეულობით, წვალებით, ომებით, ჩვენი მიზანი არის ის, რომ ემოციების გარეშე, სახალხო ორგანიზების მეშვეობით ავარიდოთ ჩვენ თავს ის, რასაც გვახვევენ გარედან, რაც არის მიუღებელი ჩვენი ტრადიციისთვის და სამშობლოსთვის. რას გვთავაზობენ ჩვენ ახლა? ახლა რისი ჩატარებაც უნდათ აქ ეს არის გვირგვინი, ფინალი, ბოლო ლურსმანი ეროვნული სულის და ეროვნული სხეულის კუბოში. ძალიან სჭირდებათ, რომ გარყვნილების საჯარო ზეიმი ჩატარდეს, რადგან მათ ძალიან კარგად იციან, რომ ეს არის საკრალური, ზებუნებრივი აქტი ერის ნამუსის ახდის, რომ ეს არის ის რუბიკონი, რომლის იქითაც ზნეობრივ ადამიანს ეუფლება უკიდეგანო დაღონების განცდა, რომ მან ვერაფერი შეძლო და რომ ეს გარდაუვალია. ეს არ მოხდება საქართველოში“,- განაცხადა ვასაძემ.

ლევან ვასაძე ვერის ბაღში მხარდამჭერებს ხვდება. შეკრება ლოცვით დაიწყო, რომელიც სასულიერო პირმა წაიკითხა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა