ვერ ვიტყვი, რომ საბოლოო გადაწყვეტილება უკვე მიღებულია, - ამის შესახებ პარლამენტის ვიცე-სპიკერმა გია ვოლსკიმ ჟურნალისტებს დავით სერგეენკოს მიერ ჯანდაცვის მინისტრის პოსტი შესაძლო დატოვების შესახებ გავრცელებული ინფორმაციის კომენტირებისას განუცხადა.

ვოლკსის თქმით, იმ შემთხვევაში, თუ დადასტურდება ინფორმაცია სერგეენკოს თანამდებობიდან წასვლის შესახებ, ამაზე შესაბამის კომენტარს მთავრობა გააკეთებს.

„როგორც ჟურნალისტურ წრეებშია მიღებული, არც უარვყოფ და არც ვადასტურებ, თუმცა ეს პრეროგატივა ეკუთვნის პრემიერ-მინისტრს და იგი დაგვპირდა, რომ უახლოეს პერიოდში გააკეთებს შესაბამის განცხადებას. როდესაც ცვლილების თაობაზე საკითხი წყდება გუნდში, ეს არის სართო კონსესუსი. იქ, რასაკვირველია დაიწერება განცხადება. ეფექტური იყო თუ არა ჯანდაცვის მინისტრი, ამ თემაზე სადავო, პრინციპში, არავის არ აქვს. ზუსტად რა გარემოებებია და რის გამო ხდება ეს ცვლილება, თუკი მოხდა, ცხადია, ამაზე მთავრობას დამატებითი კომენტარი ექნება“, - განაცხადა ვოლსკიმ.