სიცოცხლის ფასად რომ დამიჯდეს გეი აღლუმს არ ჩავატარებინებთ, შევაკვდებით, - ამის შესახებ ჟურნალისტებს დიღმის მთავარ სამმართველოსთან გამოკითხვიდან გამოსულმა ლევან ვასაძის თანამოაზრემ, პაატა აბულაძემ განუცხადა.

როგორც ის განმარტავს, საგამოძიებო უწყებაში კითხვები ლევან ვასაძის განცხადებებთან დაკავშირებით ჰქონდათ.

"უნდოდათ, ლევან ვასაძე ბანდის უფროსად გამოეყვანათ. ვასაძე არ იქნება, აბულაძე იქნება! ჯგუფები, რაზმებიო, ამბობდნენ. რაც სიმართლე იყო, ის ვუთხარი. გაერთიანება, რომ ყოფილიყო, პირველი ჩავეწერებოდი. ეს რაზმები იქნებოდა იმისთვის, ვინმე პროვოკატორი, შეიარაღებული არ ყოფილიყო და რომ ის გაეკოჭათ და და სამართალდამცავებისთვის ჩაებარებინათ. ამის გაგონება არ უნდოდათ", - განაცხადა აბულაძემ.

ცნობისთვის, ლევან ვასაძის განცხადებებთან დაკავშირებით დაწყებული გამოძიების ფარგლებში თბილისის მთავარ სამმართველოში ლევან ვასაძის თანამოაზრეების გამოკითხვა უკვე 5 საათზე მეტია მიმდინარეობს.