„სოდომი მძიმე ცოდვაა", "არა გეი აღლუმს საქართველოში", -ამ მოწოდებებით ქუთაისში აქცია გაიმართა. ცენტრალურ ბულვარში შეკრებილები თბილისი პრაიდის გამართვის მცდელობას აპროტესტებენ.

მათი თქმით, მხარდაჭერას უცხადებენ იმ ადამიანებს, რომლებიც თბილისში პრაიდის წინააღმდეგ გამოდიან.

"ჩვენ ვაპროტესტებთ გეი აღლუმის ჩატარების მცდელობას. ამასთან, მხარდაჭერას ვუცხადებთ ათიათასობით ადამიანს, რომლებიც თბილისში პრაიდის ჩატარებას აპროტესტებენ. ჩვენ მართლდიდებლები ვართ და ყველას ვეუბნებით, რომ ამ ცოდვის ლეგალიზება არ მოხდება. სოდომი მძიმე ცოდვაა, არ გვინდა გეი აღლუმი საქართველოში“ -განაცხადა აქციის ერთ-ერთმა მონაწილემ, ისტორიკოსმა მალხაზ მურუსიძემ.