ავიაკომპანია „ჯორჯიან ეარვეისის“ ავიაპარკს უახლოეს მომავალში Boeing 737-800 შეემატება, რომლითაც თბილისიდან პირდაპირი რეგულარული ავიარეისები შესრულდება.

როგორც „ინტერპრესნიუსს“ „ჯორჯიან ეარვეისიდან“ აცნობეს, Boeing 737-800 ერთდროულად 180 მგზავრის გადაყვანას უზრუნველყოფს, რის შედეგადაც, ავიაბილეთების ფასები მკვეთრად შემცირდება.

მათივე ინფორმაციით, „ჯორჯიან ეარვეისის“ მენეჯმენტი ყოველდღიურ რეჟიმში აგრძელებს ავიაპარკის განახლების შესახებ მოლაპარაკებებს და ავიაბილეთების ფასების კლებაზე მუშაობას.