მე რომ არ გამომივიდეს ვიღაცების „გაპრავება“ და ასე შემდეგ, თვითონ ყველაფერს ახსნიან და ნათელი იქნება საზოგადოებისთვის, - ამის შესახებ „ქართული ოცნების“ გენერალურმა მდივანმა კახა კალაძემ დღეს გამართულ ბრიფინგზე განაცხადა.

კითხვაზე, ვის ეკისრება მომხდარზე პოლიტიკური პასუხისმგებლობა და უნდა დატოვოს თუ არა თანამდებობა ირაკლი კობახიძემ , კალაძე აცხადებს, რომ მას წინასწარ ვინმეს „გაპრავება“, რომ არ გამოუვიდეს, ირაკლი კობახიძე და ზაქარია ქუცნაშვილი თავად გააკეთებენ განმარტებებს.

„ რაღაცების „გაპრავება“, რომ არ გამომივიდეს და არავინ არ ვაპირებთ ამას, ფაქტი რაც მოხდა არის ძალიან ცუდი. ირაკლი ახლა არ იმყოფება საქართველოში, როდესაც დაბრუნდება, არ ვიცი დღეს შეიძლება ჰქონდეს ჩართვა სატელევიზიო ეთერებში, განმარტავს ყველაფერს, ასევე ორგანიზატორი ვინც იყო, ბატონი ზაქარია ქუცნაშვილი, განმარტავს ყველაფერს, თუ როგორ უნდა წარმართულიყო , ვინ სად უნდა მჯდარიყო , ვის უნდა წაეყვანა და ასე შემდეგ,“-განაცხადა კახა კალაძემ.

ამასთან, კალაძის განცხადებით, „ის, როგორც განვითარდა მოვლენები, ასე დაგეგმილი ნამდვილად არ იყო და ასე არ უნდა მომხდარიყო“.