საქართველოში დიდი ბრიტანეთის ელჩი - პარტიებს ეკისრებათ უდიდესი პასუხისმგებლობა, რათა გამოირიცხოს ძალის გამოყენება - მოვუწოდებთ ლიდერებს, ეს რაც შეიძლება სწრაფად გააჟღერონ
პოლიტიკურ პარტიებს ეკისრებათ უდიდესი პასუხისმგებლობა, რათა გამოირიცხოს ძალის გამოყენება, - ამის შესახებ საქართველოში დიდი ბრიტანეთის ელჩი ჯასტინ მაკენზი სმიტმა თბილისში მიმდინარე მოვლენებთან დაკავშირებით „ტვიტერში“ დაწერა.
როგორც ელჩი აღნიშნავს, ახლა გაერთიანების დროა.
„მოვუწოდებთ ყველას თავშეკავებისკენ და კონსტიტუციით განსაზღვრული ნორმების დაცვისკენ. პოლიტიკურ პარტიებს ეკისრებათ უდიდესი პასუხისმგებლობა, რათა გამოირიცხოს ძალის გამოყენება. მოვუწოდებთ ყველა ლიდერს ეს რაც შეიძლება სწრაფად და მკაფიოდ გააჟღეროს", -წერს ელჩი.
