კლინიკაში მყოფი პაციენტების ჰემოდინამიკა სტაბილურია,- ამის შესახებ საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელმა ავთანდილ თალაკვაძემ ჟურნალისტებს განუცხადა.

თალაკვაძემ რეგიონულ ჰოსპიტალში პარლამენტის შენობასთან აქციის დაშლისას დაშავებული ადამიანები მოინახულა და მათ ჯანმრთელობის მდგომარეობას გაეცნო.

„დღეის მდგომარეობით კლინიკაში რჩება 19 პაციენტი, რომელთაგან დღის განმავლობაში რამდენიმე გაიწერება. მართვით სუნთქვაზე იმყოფება ორი ადამიანი, მათი ჰემოდინამიკა არის სტაბილური და დადებითი. კლინიკის ექიმები მუდმივ მზადყოფნაში არიან და ჯანდაცვის სამინისტრო ყველა პაციენტთან დაკავშირებით აწარმოებს მუდმივ მონიტორინგს”, - განაცხადა თალაკვაძემ.