ირაკლი ზარქუა - სწორედ წინა ხელისუფლებამ ჩააბარა რუსეთს სტრატეგიული ობიექტები და არა „ქართულმა ოცნებამ“

თბილისის საკრებულოს ქონების მართვის და საფინანსო-საბიუჯეტო კომისიის თავმჯდომარე ირაკლი ზარქუა “ნაციონალური მოძრაობის“ განცხადებას გამოეხმაურა, რომელიც რუსეთში “ქართული ოცნების“ წევრების ბიზნეს ინტერესებს ეხება. ირაკლი ზარქუას განცხადებით, სწორედ წინა ხელისუფლებამ ჩააბარა სტრატეგიული ობიექტები რუსეთს და არა „ქართულმა ოცნებამ“.

“შეგახსენებთ, წინა ხელისუფლებამ “თელასი“ რუსებს ჩააბარა, წყალკანალიც. ასევე მოიქცნენ 2003 წლის შემდეგ - “ნაციონალურ მოძრაობასთან“ ასოცირდება “ხრამ1“, “ხრამ2“ და ჩუბაისი. ჩვენი ოპონენტები საკუთარი შეცდომების გადმობრალების პრინციპს იყენებენ, თუმცა თავის მართლების რეჟიმში ვერ ჩაგვაყენებენ“, - განაცხადა ირაკლი ზარქუამ.

საკრებულოს ქონების მართვის და საფინანსო-საბიუჯეტი კომისიის თავმჯდომარის ინფორმაციით, თამარ ტალიაშვილი ევროსაბჭოს ადგილობრივ და რეგიონულ ხელისუფლებათა კონგრესის რეგიონთა პალატის ვიცე-პრეზიდენტია და რამდენიმე დღის წინ, ევროსაბჭოში ყირიმის შესახებ განცხადება გააკეთა, რომლის საფუძველზეც რუსეთი იძულებული გახდა შესწორებები შეეტანა.

ირაკლი ზარქუამ შალვა ოგბაიძის შესახებ ოპოზიციის განცხადებას ასევე აბსურდული უწოდა.

“კეთილი ინებოს “ნაციონალურმა მოძრაობამ“ და მოიკითხონ, საკუთარი ბელადი მიხეილ სააკაშვილი სად და როგორ მოღვაწეობდა, ასევე გრიგოლ ვაშაძეზეც მოიძიონ ინფორმაცია, რომელიც რუსულ ინტერესებს ემსახურება“,- განაცხადა ირაკლი ზარქუამ.

მისი თქმით, საკრებულოს უმრავლესობის წევრებს რუსული ინტერესებისთვის არასოდეს უმსახურიათ.

აღნიშნულ ინფორმაციას საკრებულოს პრესსამსახური ავრცელებს.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს