საბერძნეთის პრემიერ-მინისტრის ალექსის ციპრასის პარტია „სირიზა“ ქვეყნის ვადამდელ საპარლამენტო არჩევნებში დამარცხდა. ამის შესახებ ადგილობრივი მედია იუწყება.
ექზიტპოლებზე დაყრდნობით, მედია წერს, რომ პარტია ხმათა 30%-ზე მეტს იღებს, ოპოზიციური კონსერვატიული პარტია „ახალი დემოკრატია“ კი 38-42 %-ს.
შესაბამისად, სპეციალისტების განცხადებით, 300 კაციან პარლამენტში ოპოზიციური პარტია155-დან 167-მდე ადგილს დაიკავებს, ყოფილი მმართველი პარტია 77-82 ადგილს.
ქვეყნის საკანონმდებლო ორგანოს 9 მილიონ 904 ათასამდე ამომრჩეველი ირჩევს.
ვადამდელი საპარლამენტო არჩევნები ქვეყნის პრემიერ-მინისტრმა ალექსის ციპრასმა მას შემდეგ დანიშნა, რაც მისმა პარტიამ გასულ თვეს, ევროპულ და ადგილობრივი თვითმმართველობების არჩევნებში მარცხი განიცადა.