გვინდა, რუსთაველის გამზირზე დავდგეთ და მოვითხოვოთ მთავრობისგან აიკრძალოს ბილწი ჰომოსექსუალიზმის პროპაგანდა და მარში, - ამის შესახებ ჟურნალისტებს შინაგან საქმეთა სამინისტროსთან ლევან ვასაძის თანამოაზრემ, გურამ ფალავანდიშვილმა განუცხადა.

როგორც ფალავანდიშვილი აცხადებს, „თბილისი პრაიდის“ გამართვის საშუალებას ისინი არ მისცემენ.

„გაჟონა ინფორმაციამ, რომ მათ უნდა ჩაეტარებინათ „მინი პრაიდი“, დიდი პრაიდი თუ პატარა, როგორც გამოუვათ. ბევრი ვაპირებდით მოსვლას, დაწერეს, რომ აღარ გამოვდივართო, ამიტომ ბევრი აღარ წამოვედით, მაგრამ ცოტა მაინც მოვედით ყოველი შემთხვევისთვის, რომ თუ რაღაცაა, გადავრეკოთ და ხალხი მოვიყვანოთ. გვინდა, რუსთაველის გამზირზე დავდგეთ მთავრობის სახლთან და მოვითხოვოთ მთავრობისგან აიკრძალოს ბილწი ჰომოსექსუალიზმის პროპაგანდა და მარში“, - განაცხადა ფალავანდიშვილმა.