მიხეილ სააკაშვილი - ასე როგორ დაალაგა ივანიშვილმა რუსეთთან ურთიერთობა, რომ ჰგონიათ,  გაბუნიას  გაუაზრებელი გამოხტომის გამო,   რუსეთმა შეიძლება  დაგვბომბოს?!

ასე როგორ დაალაგა ივანიშვილმა რუსეთთან ურთიერთობა, რომ ჰგონიათ, გაბუნიას ერთი გაუაზრებელი გამოხტომის გამო, რუსეთმა შეიძლება დაგვბომბოს?! - ასე ეხმაურება საქართველოს ექსპრეზიდენტი მიხეილ სააკაშვილი „პოსკრიპტუმის“ ტელეწამყვანის, გიორგი გაბუნიას მიერ რუსეთის პრეზიდენტის, ვლადიმერ პუტინის მისამართით გაჟღერებულ უცენზურო განცხადებას, რამაც საზოგადოებაში აღშფოთება გამოიწვია.

„ამდენი ხანი, ივანიშვილი იძახდა, რომ რუსეთთან დაალაგა ურთიერთობა. რა დაალაგა ასეთი, რომ გაბუნიას ერთმა უგემოვნო, გაუაზრებელმა გამოხტომამ, შეიძლება გამოიწვიოს ის, რომ თქვენი აზრით, რუსეთმა დაგვბომბოს?! საერთოდ აზრზე ხართ, რას ლაპარაკობთ?!“, - განაცხადა სააკაშვილმა.

სააკაშვილის თქმით, როდესაც პრეზიდენტი იყო, რუსი ტურისტები საქართველოს რეფორმებით აღფრთოვანებული იყვნენ და სწორედ ამიტომ მისივე თქმით, მას უფრო მეტი ავტორიტეტი აქვს რუსეთში, ვიდრე დღევანდელი ხელისუფლების წევრებს.

„ჩემს დროს, მიუხედავად ყველაფრისა, მიუხედავად დიდი უბედურებისა, რუსი ტურისტები შემოვიყვანეთ, რუსები გვექცეოდნენ პატივისცემით, იმიტომ, რომ აღფრთოვანებულები იყვნენ საქართველოს რეფორმებით და დღეს მე რუსეთში მაქვს ბევრად მეტი ავტორიტეტი ხალხს შორის, ვიდრე ივანიშვილს ან მისი ბანდის რომელიმე წევრს, რომელთაც საერთოდ არ იცნობენ. ახლა ბოლომდე აიწეწა ურთიერთობები, ტურისტებს აჩერებენ, ფრენები შეჩერდა, ყველაფერი აირია და ახლა თურმე შეიძლება გაბუნიას გამო დაგვბომბომ. ყველაფერი დალაგდება, ივანიშვილს არანაირი ხრიკები აღარ უშველის. ახლა მთავარია კონსოლიდაცია, ერთიანობა და შეუპოვრობა. ჩვენ არასდროს არ უნდა ვთქვათ უარი ჩვენს ფუნდამენტურ ინტერესებზე და ჩვენს თავისუფლებაზე “, - განაცხადა სააკაშვილმა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის