საკუთარი ხალხის სირცხვილი, პირველ რიგში, თავად ხარ, მერე პუტინია რუსი ხალხის სირცხვილი და მერე გაბუნია - ქართველი ხალხის სირცხვილი, - ამ სიტყვებით პარტია „შენების მოძრაობის“ ლიდერი დავით უსუფაშვილი ჩეჩნეთის პრეზიდენტ რამზან კადიროვს პასუხობს.

„გაბუნიას გამო მე ვუხდი კავკასიელი ვაჟკაცის ბოდიშს ქართველ ხალხსაც, ჩეჩენ ხალხსაც, კავკასიელ ხალხებსაც და რუს ხალხსაც; მაგრამ არა შენ, ივანიშვილს ან პუტინს, რომლებსაც ყველა ეს ხალხი საკუთარი საძალაუფლებო ვნებების დასაკმაყოფლებლად გჭირდებათ. საკუთარი ხალხის სირცხვილი, პირველ რიგში, თავად ხარ, მერე პუტინია რუსი ხალხის სირცხვილი და მერე გაბუნია - ქართველი ხალხის სირცხვილი. არარაობა, ტირანებთან შედარებით, უბრალოდ არარაობაა და მეტი არაფერი. და, არსად გემალები, არც შენ და არც ვლადიმერ პუტინს, თბილისში ვცხოვრობ,“ - წერს დავით უსუფაშვილი სოციალურ ქსელში.

შეგახსენებთ, რომ კადიროვი გიორგი გაბუნიას მიერ ვლადიმერ პუტინისადმი ტელეეთერში გაჟღერებულ არაეთიკურ მიმართვას გამოეხმაურა და საქართველოს ხელისუფლებისგან რუსეთისთვის ბოდიშის მოხდა მოითხოვა.