თურქეთის სამხედრო-საჰაერო ძალებმა ქვეყანაში აკრძალული „ქურთისტანის მუშათა პარტიის“ 15 მებრძოლი ჩრდილოეთ ერაყის ტერიტორიაზე გაანადგურეს. თავდასხმა „ქურთისტანის მუშათა პარტიის“ ბანაკზე მასშტაბური ოპერაცია „თათის“ ჩარჩოებში განხორციელდა, რომელსაც თურქეთის თავდაცვის სამინისტრო ჩრდილოეთ ერაყში მაისის ბოლოდან ატარებს.
„ოპერაცია „თათის“ ჩარჩოებში ავიადარტყმები განხორციელდა სეპარატისტულ-ტერორისტული „ქურთისტანის მუშათა პარტიის“ ბანაკებზე და იარაღის საწყობებზე ჩრდილოეთ ერაყის ჰაფტანინის რაიონში. ნეიტრალიზებულია 15 მებრძოლი“, - ნათქვამია თურქეთის სამხედრო უწყების განცხადებაში.