პატარკაციშვილის მკვლელობის მომზადების საქმეზე ბრალდებულის ადვოკატი - საკითხავია, აქამდე რატომ იყო გიორგი მერებაშვილი საპატიმროში მტკიცებულებების გარეშე

ბადრი პატარკაციშვილის მკვლელობის მომზადების საქმეზე ბრალდებულ გიორგი მერებაშვილის ადვოკატი სასამართლოს დღევანდელ გადაწყვეტილებას სამართლიანს უწოდებს. კახა ხვისტანი ამბობს, რომ გაუგებარია, რატომ გაატარა მერებაშვილმა 9 თვე საპატიმროში, იმ ფონზე, რომ მისი ბრალეულობა მტკიცებულებებით არ დასტურდება.

„დღეს სასამართლომ მიიღო ერთადერთი კანონიერი და სამართლიანი გადაწყვეტილება გიორგი მერებაშვილის გათავისუფლების თაობაზე. აქ გასაკვირი ის კი არაა, რატომ გათავისუფლდა გიორგი მერებაშვილი დღეს, საკითხავია აქამდე რატომ იჯდა ყოველგვარი მტკიცებულებების გარეშე. რისთვის იყო ადამიანი 9 თვის განმავლობაში თავისუფლებააღკვეთილი, როდესაც ბრალდებამ თავისი მტკიცებულებები მთლიანად ამოწურა და ვერაფრით ვერ დაადასტურა წარდგენილი ბრალდება. აბსოლუტურად ყველა მტკიცებულება, ყველა მოწმემ რომელიც დაიკითხა სასამართლო პროცესზე დაცვის სასარგებლო ჩვენება მისცა", - განაცხადა კახა ხვისტანმა.

ბადრი პატარკაციშვილის მკვლელობის მომზადებაში ბრალდებული გიორგი მერებაშვილი სასამართლო დარბაზიდან გაათავისუფლეს. ბრალდებულს აღკვეთის ღონისძიების სახით შეფარდებული პატიმრობის ვადა ამოეწურა.

მოსამართლემ დღევანდელ სხდომაზე მის მიმართ გამოყენებულ აღკვეთის ღონისძიებას გადახედა და ის სასამართლო დარბაზიდან გაათავისუფლა.

შეგახსენებთ, 2018 წლის 17 ოქტომბერს, თბილისის საქალაქო სასამართლომ ბიზნესმენ ბადრი პატარკაციშვილის მკვლელობის მომზადების საქმეზე გიორგი მერებაშვილს პატიმრობა შეუფარდა.

ბადრი პატარკაციშვილის მკვლელობის მომზადების საქმეზე ბრალი გიორგი მერებაშვილის გარდა, შსს-ს ყოფილ მაღალჩინოსნებს რევაზ შიუკაშვილსა და ლევან ქარდავას აქვთ წაყენებული.

იხილეთ ვიდეო

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა