თინა ხიდაშელი - ველოდები, რომ გახარიას დაკითხვაც მოხდება, იქნებ ელჩებიც დაიბარონ გამოკითხვაზე?!

გახარიამ თქვა, რომ პროცესს ელჩებიც ესწრებოდნენ - იქნებ ელჩებიც დაიბარონ გამოკითხვაზე?! - ვნახოთ, სადამდე მივა ეს პროცესი, - ეს განცხადება თავდაცვის ყოფილმა მინისტრმა თინა ხიდაშელმა „ინტერპრესნიუსთან“ საუბარში კიდევ ოთხი პოლიტიკური ფიგურის გამოკითხვაზე დაბარების ფაქტთან დაკავშირებით გააკეთა.

„ამაზე კომენტარის გაკეთება ცოტათი რთულია. ყველაფერი დამოკიდებულია იმაზე, რა მტკიცებულებებს ეფუძნება კონკრეტული ადამიანების იდენტიფიცირება. არც დაბარებაა არავის პრობლემა, არც შეკითხვების დასმა. გამოძიების პროცესში შესაძლებელია ასეულობით მოწმე დაიკითხოს და აღმოჩნდეს, რომ ნაწილს არ აქვს მნიშვნელოვანი ინფორმაცია გამოძიებისთვის, ნაწილს კი აღმოაჩნდეს. უბრალოდ, ახლა ჩვენ ყველანი ველოდებით, რომ გახარიას დაკითხვაც მოხდება, რადგან ის მნიშვნელოვანი მონაწილეა პროცესის. როგორც შინაგან საქმეთა მინისტრმა გვითხრა, შეხვედრას ელჩებიც ესწრებოდნენ და იქნებ ელჩებიც დაიბარონ გამოკითხვაზე?! - ვნახოთ, სადამდე მივა ეს პროცესი. მე არ მაქვს არავითარი პრობლემა, რომ გამოძიება ვინმეს კითხვებს უსვამს. ეს არის ნორმალური, ჩვეულებრივი საგამოძიებო მოქმედებები,“ - განაცხადა თინა ხიდაშელმა.

შეგახსენებთ, 20-21 ივნისს განვითარებულ მოვლენებთან დაკაშირებით გამოკითხვაზე ხატია დეკანოიძე, გუბაზ სანიკიძე, ირაკლი ღლონტი და ბაჩუკი ქარდავა დაიბარეს. უკვე გამოიკითხნენ ნიკა მელია, გიგი უგულავა და გია ბარამიძე.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!