ავღანეთის ჩრდილო-დასავლეთ ნაწილში, პროვინცია ბადგისში ავღანეთის არმიის სპეცრაზმსა და თალიბებს შორის ბრძოლას მსხვერპლი მოჰყვა.
შეტაკება ორშაბათს საღამოს დაიწყო, მას შემდეგ, რაც სპეცრაზმის 36-მა სამხედრო მოსამსახურემ რადიკალური ისლამისტური ორგანიზაცია „თალიბანის“ შტაბბინას შეუტია. ბრძოლა რამდენიმე საათი გაგრძელდა.
ადგილობრივი ხელისუფლების ცნობით, სულ ცოტა 18 სპეცრაზმელი და „თალიბანის“ 19 მებრძოლია დაღუპული. კიდევ 20 თალიბი დაიჭრა. ისლამისტური ორგანიზაციის მებრძოლების ნაწილმა 6 სამხედრო მოსამსახურე დაატყვევა.
ავღანეთის თავდაცვის სამინისტრომ მომხდარზე ინფორმაცია დაადასტურა, ოღონდ სამხედრო მოსამსახურეთა შორის დანაკარგებზე ცნობა არ გაუვრცელებია.