ნდობის მოპოვება ერთ წუთში და ერთი ჩემი საუბრით აქ ვერ მოხდება. მე ამის ილუზია არ მაქვს, - ამის შესახებ „რუსთვი 2“-ის ახალმა გენერალურმა დირექტორმა, პაატა სალიამ ტელეკომპანიის შენობასთან ჟურნალისტებს განუცხადა. მისი თქმით, ჟურნალისტები დარწმუნდებიან, რომ „მათ არავინ ეხება“.

„ნდობის მოპოვება ერთ წუთში და ერთი ჩემი საუბრით აქ ვერ მოხდება. მე ამის ილუზია არ მაქვს, ნდობა გამოჩნდება, ჩემი აზრით და დარწმუნდებიან ჟურნალისტები, რომ არავინ მათ არ ეხება. ამას დრო სჭირდება. გაერკვევით, ნახავთ“ , - განაცხადა პაატა სალიამ.

ამასთან, მისი თქმით, ქიბარ ხალვაში ნიკა გვარამიასთან ურთიერთობას არ აპირებს. ასევე, პაატა სალიას განმარტებით, ნიკა გვარამიას კონტრაქტს არც თავად და არც ქიბარ ხალვაში არ იცნობს.

„მე როგორც ვიცი, ქიბარ ხალვაშის პოზიცია ნიკა გვარამიასთან არის ცალსახა. დანარჩენთან დაკავშირებითაც არის ცალსახა. ნიკა გვარამიასთან არ აპირებს ურთიერთობას, დანარჩენთან პრობლემა არ აქვს.“ - განაცხადა პაატა სალიამ.