აქციის დაკავებული მოსამართლე სოსო ბაჯელიძე პროცესზე - 20 ივნისის აქციაზე ვიმყოფებოდი ჩემი ქვეყნის სიყვარულის გამო

20 ივნისის აქციაზე ვიმყოფებოდი ჩემი ქვეყნის სიყვარულის გამო, - ამის შესახებ სასამართლო სხდომაზე 24 წლის სოსო ბაჯელიძემ განაცხადა, რომელიც 20-21 ივნისის მოვლენებთან დაკავშირებით, ჯგუფური ძალადობის ბრალდებით დააკავეს.

მან სასამართლო სხდომაზე განმარტა, თუ რა მოხდა 20 ივნისის ღამეს და თავად რა მოქმედებებს ასრულებდა.

"პატივცემულო მოსამართლევ, მე გახლავართ ბათუმის საზღვაო აკადემიის პირველი კურსის სტუდენტი. 20 ივნისის აქციაზე ვიმყოფებოდი ჩემი ქვეყნის სიყვარულის გამო, აქციაზე მონაწილეობისას ჩემდაუნებურად წინა რიგებში მოვხვდი, რა დროსაც ნიკა მელია მოუწოდებდა აქციის მონაწილეებს მშვიდობიანად შესულიყვნენ პარლამენტში. სპეცრაზმელმა გამოიყენა ფარი, რომელიც ჩამარტყა ხელში. 1 თვეა გასული და ახლაც მტკივა, გამწარებული ვცდილობდი ფარი და ჩაფხუტი წამერთმია", - განაცხადა ბაჯელიძემ.

მოსამართლის კითხვაზე, თუ რითი შეძლებდა გირაოს თანხის გადახდას, ბრალდებულმა უპასუხა, რომ გააჩნია საცხოვრებელი სახლი და ასევე თხილიდან შემოსავალი.

ამ წუთებში, თბილისის საქალაქო სასამართლოში სოსო ბაჯელიძისა და ცოტნე ცოტნიაშვილის მიმართ აღკვეთის ღონისძიების შეფარდებაზე მსჯელობენ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა