ადვოკატი განმარტავს, რა გეგმები ჰქონდა იულია სუსლიაკს საქართველოში შემოსვლის შემდეგ

იულია სუსლიაკი აზერბაიჯანიდან საქართველოში დაბრუნების შემდეგ ოკუპირებულ აფხაზეთში, მეუღლესთან გადასვლას აპირებდა. ამის შესახებ ტრეფიკინგსა და ბავშვებით ვაჭრობაში ბრალდებული უკრაინის მოქალაქის, იულია სუსლიაკის ადვოკატმა ზურაბ თოდუამ განაცხადა.

ადვოკატმა განმარტა, თუ რა გეგმები ჰქონდა იულია სუსლიაკს საქართველოში ჩამოსვლის შემდეგ და ასევე ისაუბრა იმაზე, თუ რა მიზეზით არ შემოუშვეს ის აზერბაიჯანიდან საქართველოში. რაც შეეხება ბაქოში გამგზავრების მიზეზებს, ადვოკატის თქმით, სუსლიაკმა სამთვიანი პატიმრობის შედეგად მძიმე სტრესი გადაიტანა, ვინაიდან არაადამიანურ პირობებში უწევდა ყოფნა და ამიტომ აზერბაიჯანში დასვენების მიზნით წავიდა.

„მას უნდა დავხვედროდი დილის 10:00 საათზე თბილისში, მაგრამ გარდაბნის საკონტროლო პუნქტთან ქართველმა სამართალდამცველებმა სთხოვეს ჩამოსვლა მატარებლიდან იმ საფუძვლით, რომ მისი ნახვა სურდა უფროსს და გამოუწერეს დადგენილება, რომელშიც ვკითხულობთ, რომ თურმე იულია სუსლიაკს არ აქვს საქართველოს კანონმდებლობის შესაბამისად მოწესრიგებული დოკუმენტები, არ ჰქონდა სადაზღვევო პოლისი. თუმცა საქართველოში უკრაინის და აზერბაიჯანის მოქალაქეებს არავითარი სადაზღვეო პოლისის ქონა არ ევალებათ. ეს ნებაყოფლობითია. ამ დადგენილების გამოწერის შემდეგ ის გააბრუნეს აზერბაიჯანის ტერიტორიაზე“, - განაცხადა ზურაბ თოდუამ.

ადვოკატის თქმით, იულია სუსლიაკის საქართველოს ტერიტორიაზე შემოყვანა თავადაც სცადა, თუმცა ამის უფლება ქართულმა მხარემ არ მისცა.

„ამის შემდეგ მე ჩავედი, გადავკვეთე აზერბაიჯანის საზღვარი და დავიწყე ხელახალი პროცედურა საზღვრის გადმოკვეთის. გადმოვკვეთეთ აზერბაიჯანის საზღვარი ყოველგვარი პრობლემების გარეშე, თუმცა პრობლემები ისევ შეექმნა საქართველოს საზღვარზე - ჯერ საცხოვრებლის არ ქონა დაასახელეს მიზეზად, შემდეგ შესაბამისი თანხის არ ქონა, ბოლოს კი დაწერეს, რომ თურმე იულია სუსლიაკს იმის გამო ეუბნებიან საქართველოში შემოსვლაზე უარს, რომ საფრთხე ექმნება საქართველოს უსაფრთხოებას და საზოგადოებრივ წესრიგს“, - განაცხადა ზურაბ თოდუამ.

ამასთან ადვოკატის თქმით, იმის გამო რომ იულია სუსლიაკის მეუღლე ოკუპირებული აფხაზეთის ტერიტორიას ვერ ტოვებს, ის აპირებდა ბრიფინგის ჩატარების შემდეგ აფხაზეთში გადასვლას და ასევე აფხაზეთში უნდა ჩაეყვანათ მათი შვილებიც, რომლებიც ახლა უკრაინაში იმყოფებიან.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)