ჩინეთის ყოფილი პრემიერი ლი პენი 90 წლის ასაკში გარდაიცვალა
ჩინეთის ყოფილი პრემიერ-მინისტრი ლი პენი 90 წლის ასაკში გარდაიცვალა. ამ ინფორმაციას სააგენტო „სინხუაზე“ დაყრდნობით „როიტერი“ ავრცელებს.
ლი პენს ადამიანის უფლებათა დამცველები და ჩინეთის მოსახლეობის ნაწილი სერიოზულად აკრიტიკებენ მისი როლისთვის 1989 წელს პეკინის ცენტრში ტიანენმენის მოედანზე სტუდენტების აქციის დაშლისთვის, რასაც უამრავი ადამიანი შეეწირა. მას „პეკინის ყასაბის“ მეტსახელითაც მოიხსენიებდნენ.
