თბილისის საკრებულოში დავით უჯმაჯურიძის ადგილმონაცვლე ნინო რუხაძე გახდა. ამის შესახებ საკრებულოს სხდომაზე გახდა ცნობილი. როგორც სხდომის დასრულების შემდეგ, საკრებულოს წევრმა ბექა დავითულიანმა განაცხადა, ნინო რუხაძე სამართლის დოქტორია და საჯარო სამსახურში მუშაობის გამოცდილება აქვს.
"ახალი დეპუტატი არის ძალიან კარგი და წარმატებული ქალბატონი. სამართლის დოქტორი, ასევე კარგად გარკვეულია ეკონომიკურ საკითხებში. საჯარო სექტორში მუშაობს და ჩართულია პედაგოგიურ საქმიანობაში", - განაცხადა დავითულიანმა.
დავით უჯმაჯურიძე დაახლოებით ერთი თვის წინ გარდაიცვალა.