„ნაციონალური მოძრაობის“ თავმჯდომარე გრიგოლ ვაშაძე და პარტიის წარმომადგენლები ოზურგეთში მხარდამჭერებს შეხვდნენ. როგორც „ინტერპრესნიუსს“ „ნაციონალური მოძრაობის“ პრესსამსახურიდან აცნობეს, შეხვედრის მთავარი თემა იყო ივანიშვილის შვიდწლიანი მმართველობა და ამის შედეგად ქვეყანაში არსებული რთული ვითარება.
„მოქალაქეების განცხადებით, ერთიანი ძალებით აუცილებელია „ქართული ოცნების“ დამარცხება“, - ნათქვამია პარტიის მიერ გავრცელებულ განცხადებაში.