ელენე ხოშტარიამ მითხრა, რომ ჩემი შვილი მხნედ არის. უბრალოდ ნერვიულობს ჩემზე, მაგრამ ჩემზე სანერვიულო არაფერია, ყოჩაღად იყოს, - ამის შესახებ 20-21 ივნისის მოვლენებთან დაკავშირებით დაკავებული ბესიკ თამლიანის დედამ, რუსუდან თამლიანმა გლდანის ციხეში განაცხადა, სადაც "ევროპული საქართველოს" ერთ-ერთმა ლიდერმა, დეპუტატმა ელენე ხოშტარიამ სხვა დაკავებულებთან ერთად, მისი შვილიც მოინახულა.

როგორც რუსუდან თამლიანმა აღნიშნა, დაკავების საფუძველი არ არსებობდა.

„თურმე კარგად ექცევიან. უბრალოდ ახლა ციხეში რომ ზის, მშრომელი ბიჭია, ქვეყანა სამუშაო ჰქონდა აღებული და ნერვიულობს იმაზე, რომ ეს სამუშაოები შეჩერებულია. ჯანმრთელობის პრობლემა არ აქვს და რაც მთავარია, მხნედ არის. ელენემაც გადასცა, რომ იყოს ყოჩაღად და მოემზადოს 27 აგვისტოსთვის, როცა წინა სასამართლო პროცესი იქნება და ვნახოთ, როგორ გადაწყვეტს მოსამართლე ამ დაკავებულების მდგომარეობას", - განაცხადა რუსუდან თამლიანმა.