ესტონეთი უკრაინელებისთვის პუტინის მიერ შეთავაზებულ რუსულ პასპორტებს არ ცნობს

ესტონეთი აცხადებს, რომ აღმოსავლეთ უკრაინის მოსახლეობისთვის ვლადიმერ პუტინის მიერ შეთავაზებულ რუსულ პასპორტებს არ ცნობს, - ამის შესახებ ინფორმაციას „ევრონიუსი“ ავრცელებს.

მათივე ინფორმაციით, ესტონეთის საგარეო სამინისტრომ განაცხადა, რომ ამ რეგიონის მცხოვრებლების 2019 წლის 24 აპრილის შემდეგ გაცემულ რუსულ პასპორტებს არ აღიარებს.

„აღმოსავლეთ უკრაინის მოსახლეობისთვის რუსული მოქალაქეობის დაჩქარებული წესით მინიჭება უკრაინის დამოუკიდებლობისთვის ძირის გამოთხრის კიდევ ერთი მცდელობაა და აღმოსავლეთ უკრაინაში არსებულ არასტაბილურ უსაფრთხოების სიტუაციის შენარჩუნებას ემსახურება,“ - ნათქვამია ესტონეთის საგარეო საქმეთა მინისტრის ურმას რეინსადუს განცხადებაში.

მინისტრი რეინსადუ მიიჩნევს, რომ მალე ესტონეთს ევროკავშირის სხვა სახელმწიფოებიც მიბაძავენ.

„უკრაინის სუვერენიტეტისა და ტერიტორიული მთლიანობის მხარდაჭერა ჩვენი მოვალეობაა,“ - აღნიშნულია განცხადებაში.

რუსეთის პრეზიდენტმა ვლადიმერ პუტინმა მიმდინარე წლის დასაწყისში განაცხადა, რომ უკრაინის დონეცკისა და ლუგანსკის ოლქებში მცხოვრებ ნებისმიერ მოქალაქეს შესაძლებლობა ექნება რუსეთის მოქალაქეობა დაჩქარებული წესით მიიღონ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა