საბერძნეთში ტყის ხანძრებს ებრძვიან.
კუნძულ ევბეაზე ხანძარი გუშინ ღამე გაჩნდა. საბერძნეთის ხანძარსაწინააღმდეგო სამსახურის ინფორმაციით, ხანძრის ჩაქრობაში 80 მეხანძრე, 39 მანქანა, ოთხი თვითმფრინავი და ორი ვერტმფრენი მონაწილეობს. ხანძრის გავრცელებას ძლიერი ქარი უწყობს ხელს.
საბერძნეთში 40- გრადუსიანი სიცხეა. შაბათს ქვეყანაში სახანძრო საფრთხის წითელი დონე შემოიღეს. გაფრთხილების მიუხედავად სამ დღეში ტყეებში 180 ხანძარი გაჩნდა.
წინა დღეებში ძლიერი ხანძრები იყო მარათონში, ათენთან, კუნძულ ელაფონისოსზე პელოპონესიდან სამხრეთით, აჰაიეში პელოპონესზე, არტში - ქვეყნის დასავლეთში და კუნძულ სამოტრაკიზე.