ფეკალიებით სავსე ჭაობია თბილისის ზღვასთან სამ მეტრში, რომელიც პირდაპირ დაკავშირებულია ზღვასთან და ეს ფეკალიები შედის ზღვაში, - ამის შესახებ „ერთიანი ნაციონალური მოძრაობის” ერთ-ერთმა წევრმა, ლევან ხაბეიშვილმა “ინტერპრესნიუსთან” საუბრისას განაცხადა.
მისივე თქმით, თბილისის ზღვაში ფეკალიების ჩადინება გამოიწვევს არა მხოლოდ ეკოლოგიურ კარასტროფას, არამედ ეპიდემიასაც.
„თბილისის ზღვა არის წყალმომარაგების სისტემა და თბილისის ნაწილი მარაგდება იქიდან. ამიტომ დღეს, როგორც გარემოს დაცვის კომისიაზე დავაყენებ ამ საკითხს, ასევე დილიდან მოვუწოდებ დედაქალაქის მერს, რომ შესაბამისი სამსახურები გაუშვან, სასწრაფოდ აიღონ სინჯები და ნახონ, რა საფრთხის შემცველი შეიძლება იყოს თბილისელებისთვის ის, რა კატასტროფაც თბილისის ზღვაზე ხდება. ეკოლოგიური კატასტროფის გარდა ეს არის ეპიდემიის პირდაპირი კერა, ფეკალიებით სავსე ჭაობია თბილისის ზღვასთან სამ მეტრში, რომელიც პირდაპირ დაკავშირებულია თბილისის ზღვასთან და ეს ფეკალიები შედის ზღვაში. ამიტომ აუცილებლად მოვითხოვთ, რომ მოხდეს სწრაფი რეაგირება”,- განაცხადა ხაბეიშვილმა.