საქართველოს ეროვნული საფეხბურთო ნაკრები 5 სექტემბერს საერთაშორისო ამხანაგურ მატჩში სამხრეთ კორეის ნაკრებს შეხვდება.

როგორც sportall.ge წერს, მატჩი თურქეთის ქალაქ სტამბოლში, ბაშაქშეჰირის სტადიონზე გაიმართება. ორივე ნაკრებისთვის აღნიშნული ამხანაგური შეხვედრა ოფიციალური მატჩებისთვის მოსამზადებელ ეტაპს წარმოადგენს.

საქართველოს ნაკრები სამხრეთ კორეის ნაკრებთან შესახვედრად 2 სექტემბერს სტამბოლში დაიწყებს საწვრთნელ შეკრებას. აღნიშნული ამხანაგური შეხვედრის შემდეგ, საქართველოს ნაკრები თბილისში, ევროპის ჩემპიონატის საკვალიფიკაციო ეტაპის მეხუთე ტურის მატჩს, 8 სექტემბერს, „დინამო არენაზე“ გამართავს, სადაც დანიას დაუპირისპირდება.