ამერიკის პრეზიდენტი დონალდ ტრამპი უშვებს შესაძლებლობას, რომ თავისი რუსი კოლეგა ვლადიმერ პუტინი, სტუმრის სტატუსით, „დიდი შვიდეულის“ მომდევნო შეხვედრაზე მიიპატიჟოს. ამის შესახებ „ბლუმბერგი“ იუწყება.

სააგენტო „როიტერსის“ ინფორმაციით კი, ტრამპის განცხადებით, „დიდი შვიდეულის“ სამიტზე რუსეთის საკითხი განიხილეს. თუმცა, ამერიკის პრეზიდენტის განცხადებით, არ იცის, დაბრუნდება თუ არა რუსეთი „დიდ შვიდეულში“.

რუსეთს „დიდი შვიდეული“ ბარაქ ობამას პრეზიდენტობის დროს, 2014 წელს დაატოვებინეს, რაც უკრაინაში განვითარებულ მოვლენებს უკავშირდებოდა.