რუსეთის სათათბიროს დელეგაციის წევრმა დიმიტრი იონინმა, სოხუმში შემაჯამებელ ბრიფინგზე განაცხადა, რომ აფხაზეთის „საპრეზიდენტო არჩევნებმა“ მნიშვნელოვანი დარღვევების გარეშე ჩაიარა. მისივე თქმით, დუმის დელეგაცია 30-ზე მეტ საარჩევნო უბანზე იმყოფებოდა და ამ უბნებს საკუთარი ინიციატივით არჩევდნენ.
„დეპუტატებს ძვირფასი სტუმრებივით არ ატარებდნენ“, - განაცხადა იონინმა.
მათ დამკვირვებლებთან და ამომრჩევლებთან გასაუბრების საშუალება ჰქონდათ.
„ჩვენ აღვნიშნეთ არჩევნების გამჭვირვალობა, სხვადასხვა შტაბების დამკვირვებლები ერთმანეთს პატივისცემით ექცეოდნენ. არჩევნებმა მნიშვნელოვანი დარღვევების გარეშე ჩაიარა“, - განაცხადა იონინმა.
ამ ინფორმაციას „რია ნოვოსტი“ ავრცელებს.