ეს ადამიანები რუსული გავლენის ქვეშ იმყოფებიან, - ამის შესახებ საქართველოს საგარეო უწყების წარმომადგენელმა ვლადიმერ კონსტანტინიდმა, "აფხაზეთის საპრეზიდენტო არჩევნებზე" გერმანიიდან ორი დეპუტატის დამკვირვებლად ყოფნის შესახებ განაცხადა.

მისივე თქმით, აღნიშნულს ის გარემოება მოწმობს, რომ მათი აფხაზეთში ვიზიტი რუსული მხარის მიერ დაფინანსდა.

"საგარეო საქმეთა სამინისტრო პრევენციულ რეჟიმში მუშაობდა ყველა პარტნიორ ქვეყანასთან და განსაკუთრებით იმ ქვეყნებთან, რომლებზეც გაიჟღერა გარკვეულმა ინფორმაციამ. გაცილებით მაღალი შეიძლება ყოფილიყო ციფრი ე.წ. დამკვირვებლებისა, რომ არა ჩვენი პრევენციული ღონისძიებები. რაც შეეხება ორ დეპუტატს გერმანიიდან, მათ არ ჰქონდათ არანაირი უფლებამოსილება და სტატუსი იმ სტრუქტურებიდან, რომელსაც ისინი წარმოადენენ. ეს იყო მათი პირადი ვიზიტი, გვაქვს ინფორმაცია, რომ ეს ადამიანები არიან ულტრამემარჯვენე პარტიიდან, იმყოფებიან რუსული გავლენის ქვეშ, რასაც ისიც მოწმობს, რომ მათი ვიზიტის დაფინანსება განხორციელდა რუსული მხარის მიერ მიუხედავად იმისა, რომ ისინი გაფრთხილებული იყვნენ, რომ დაარღვევდნენ როგორც საერთაშორისო კანონმდებლობას, ასევე ქართულ კანონმდებლობას",- განაცხადა კონსტანტინიდმა.

იხილეთ ვიდეო