ელჩებს მივაწოდეთ დეტალური ინფორმაცია „ტვ პირველის" გარშემო განვითარებულ მოვლენებზე, ასევე სასამართლოსთან დაკავშირებით, რაც წერეთლების ოჯახთან მიმართებით მიმდინარეობს, - ამის შესახებ ჟურნალისტმა ნინო ჟიჟილაშვილმა ევროკავშირის წევრი ქვეყნების დიპლომატებთან შეხვედრის დასრულებს შემდეგ ჟურნალისტებს განუცხადა.

ევროკავშირის წევრი ქვეყნების დიპლომატიური კორპუსის წარმომადგენლებს "ტვ პირველის" დამფუძნებელი ვახტანგ წერეთელი და ჟურნალისტი ნინო ჟიჟილაშვილი შეხვდნენ. როგორც ჟიჟილაშვილმა განაცხადა, ელჩებთან შეხვედრის შემდეგ ისინი ცალკე შეხვდნენ ევროკავშირის ელჩს საქართველოში.

„ჩვენ მათ მივაწოდეთ დეტალური ინფორმაცია. ყველაფერზე იყო კითხვები, რას, როგორ ვაპირებთ. ასევე ფინანსური, მორალური თვალსაზრისით როგორ ვაპირებთ გაგრძელებას. ბუნებრივია, ჩვენი პასუხი ყველამ იცის, ჩვენ ვაპირებთ განვაგრძობთ მუშაობა, ნებისმიერ შემთხვევაში ვიყოთ ეთერში, რაც არ უნდა მოხდეს, ამ თვალსაზრისით ვიყოთ შეუვალები", -განაცხადა ჟიჟილაშვილმა.