ვანო ზარდიაშვილი - სერგეი გავრილოვი და ელენე ხოშტარია პარლამენტის თავმჯდომარის სკამზე უცბად მოხვდნენ - ხოშტარიას “მგიმოში“ პოლიტ-ტექნოლოგიები საკმაოდ კარგად უსწავლია

სერგეი გავრილოვი და ელენე ხოშტარია პარლამენტის თავმჯდომარის სკამზე უცბად მოხვდნენ - ხოშტარიას “მგიმოში“ პოლიტ-ტექნოლოგიები საკმაოდ კარგად უსწავლია, - ასე მიმართა დეპუტატმა ვანო ზარდიაშვილმა კამპანია “სირცხვილიას“ წარმომადგენლებს პარლამენტის ადამიანის უფლებათა დაცვის კომიტეტის სხდომაზე.

“მე გავრილოვის ჩამოსვლაზე არაფერი ვიცოდი. ის პარლამენტის თავმჯდომარის სკამზე ისე ავიდა, რომ არაფერი ვიცოდი, მაგრამ ელენე ხოშტარია საქართველოს დროშით ხელში, ზუსტად ორ წამში იქ გაჩნდა - ძალიან ოპერატიულად!“, - განაცხადა ვანო ზარდიაშვილმა.

პარლამენტის ადამიანის უფლებათა დაცვის კომიტეტის სხდომაზე კამპანია “სირცხვილიას“ წარმომადგენლებმა კომიტეტის თავმჯდომარეს სოფო კილაძეს “გავრილოვის ღამესთან“ და დაკავებულ ადამიანებთან დაკავშირებით პოზიციას გამოხატვა მოსთხოვეს.

სამოქალაქო აქტივისტები კომიტეტის სხდომაზე მაისურებით - წარწერით “სირცხვილია“ და თვალზე აფარებული ლენტებით მივიდნენ. როგორც მათი მხრიდან ითქვა, ჯგუფური ძალადობის მუხლით “ქართულ ოცნებას“ არასდროს დაუკავებია და გაუსამართლებია “ქართული მარშის“ წევრები, როდესაც ისინი პოლიციელებზე ძალადობდნენ.

“72 დღეა საქართველოში არის სირცხვილი. 72 დღეა დუმხართ და კითხვებს არ სცემთ პასუხს. ქალბატონო სოფო, 72 დღეა თქვენ ხართ სირაქლემას პოზიციაში და ემალებით პრობლემას! გაფრთხილებთ, გეუბნებით წინასწარ და შეგიძლიათ მიიღოთ როგორც ანონსი, დღეიდან ყოველდღიურად იგრძნობთ, რომ თქვენი საქციელი, ის რაც მოხდა 20 ივნისს და რაც ხდება მას შემდეგ, არის სირცხვილი“, - მიმართა კამპანია “სირცხვილიას“ ერთ-ერთმა წარმომადგენელმა თამარ კაკაბაძემ სოფო კილაძეს.

კომიტეტის თავმჯდომარემ კაკაბაძის პასუხად აღნიშნა, რომ ის წარმოადგენს პოლიტიკურ გაერთიანებას და არის ელენე ხოშტარიას თანაშემწე.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 30.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის