შიდა ქართლის გუბერნატორმა სოფელ ჩორჩანას მოსახლეობას არსებულ ვითარებაზე ინფორმაცია მიაწოდა

შიდა ქართლის გუბერნატორი გიორგი ხოჯევანიშვილი გამყოფ ხაზთან მდებარე სოფელ ჩორჩანას მოსახლეობას შეხვდა და არსებულ ვითარებაზე დეტალური ინფორმაცია მიაწოდა.

გიორგი ხოჯევანიშვილის განცხადებით, ადგილობრივ მაცხოვრებლებს შეშფოთების მიზეზი არ აქვთ.

„მოსახლეობას ნამდვილად არ აქვს შეშფოთების საფუძველი. ჩვენი პოლიციის წარმომადგენლები ადგილზე იცავენ უსაფრთხოებას და სწორედ ამას ემსახურებოდა საგუშაგოს მოწყობაც. მოსახლეობას დეტალური ინფორმაცია მივაწოდე გამართულ შეხვედრაზე, იმ მზაობაზე, რომელიც კონსტრუქციულ რეჟიმში დიალოგის გაგრძელების მიმართულებით არსებობს და ასევე, მთავრობის იმ ძალისხმევაზე, რომელიც მიმართულია ვითარების დეესკალაციისა და ყველა შესაძლო გართულების თავიდან აცილებისკენ“, - განაცხადა ,,ინტერპრესნიუსთან“ შიდა ქართლის გუბერნატორმა.