არჩილ თალაკვაძის განცხადებით, ბიძინა გეგიძე უმრავლესობიდან გარიცხვასთან დაკავშირებით ინფორმირებული იყო

პარლამენტის თავმჯდომარის, არჩილ თალაკვაძის განცხადებით, უმრავლესობიდან გარიცხვასთან დაკავშირებით, დეპუტატი ბიძინა გეგიძე ინფორმირებული იყო.

არჩილ თალაკვაძის თქმით, აღნიშნულ საკითხზე გეგიძესთან და მისი ფრაქციის წევრებთან კონსულტაციებს უმრავლესობის წარმომადგენლები მართავდნენ, ხოლო უკვე გარიცხვის შემდეგ, ბიძინა გეგიძეს პარტიის პოზიცია ელექტრონული ფოსტით გადაეგზავნა.

პარლამენტის თავმჯდომარე გარიცხვის მიზეზსაც განმარტავს და აცხადებს, რომ ამის მიზეზი ფუნდამენტურ საკითხებზე გეგიძისა და „ქართული ოცნების" პოზიციების სხვაობაა.

„ბიძინა გეგიძესთან და მის ფრაქციასთან უმრავლესობას ჰქონდა კონსულტაციები, შესაბამისად, მომზადდა ასეთი გადაწყვეტილება. პარტიისა და გუნდის წევრებს აერთიანებთ შეთანხმება საერთო, სტრატეგიულ საკითხებზე, თუმცა როგორც ეს საჯარო განცხადებებიდან გამოიკვეთა, ასეთ საკითხებზე ბიძინა გეგიძის და „ქართული ოცნების" პოზიციები იყო განსხვავებული", - განაცხადა არჩილ თალაკვაძემ.

შეგახსენებთ, რომ საპარლამენტო უმრავლესობიდან დეპუტატი ბიძინა გეგიძე გარიცხეს. გეგიძისათვის უმრავლესობის დატოვების თაობაზე გადაწყვეტილება მმართველმა უმრავლესობამ გუშინდელ სხდომაზე მიიღო. თავად ბიძინა გეგიძე აცხადებს, რომ „ქართული ოცნებიდან“ გარიცხვის შესახებ შეტყობინება whatsapp-ში მიიღო.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში