კალიფორნიაში, სანტა-კრუზის კუნძულთან ახლოს, ნავზე ცეცხლის გაჩენის შედეგად 8 ადამიანი დაიღუპა, 30-მდე კი ამ დრომდე დაკარგულია.

ცეცხლმა ნავი სრულად გაანადგურა. კატასტროფის ადგილას სამძებრო-სამაშველო ოპერაციები გრძელდება.

როგორც ადგილობრივი მედია შესაბამის უწყებებზე დაყრდნობით წერს, ნავზე სულ 39 ადამიანი იმყოფებოდა, ეკიპაჟის ხუთმა წევრმა თავის დაღწევა შეძლო.

ცეცხლის გაჩენის მიზეზი უცნობია. ნავი კომერციული იყო და ყვინთვის სერვისისთვის გამოიყენებოდა.