აშშ ავღანეთიდან 5 000 ჯარისკაცს გაიყვანს და ხუთ ბაზას დახურავს

ამერიკის შეერთებული შტატები ავღანეთიდან დაახლოებით 5 000 ჯარისკაცს გაიყვანს და ხუთ ბაზას დახურავს, - ამის შესახებ ზალმაი ხალიზადმა განაცხადა, რომელიც აშშ-სა და მოძრაობა „თალიბანს“ შორის გამართულ მოლაპარაკებებში აშშ-ს წარმოადგენდა.

სააგენტო „როიტერსის“ ინფორმაციით, აშშ-ს ამ ნაბიჯის გადადგმას თალიბებთან რამდენიმეთვიანი მოლაპარაკებების შემდეგ მიღწეული შეთანხმება ავალდებულებს. აღსანიშნავია, რომ შეთანხმების თანახმად, შეერთებულმა შტატებმა პირველ ეტაპზე გათვალისწინებული რაოდენობის ჯარისკაცების გაყვანა და ბაზების დახურვა 135 დღის განმავლობაში უნდა უზრუნველყოს.

როგორც ხალიზადმა ტელეკომპანია Tolo News-თან ინტერვიუში განაცხადა, ხელშეკრულების საბოლოო ხელმოწერამდე საჭიროა, რომ დოკუმენტი პრეზიდენტმა დონალდ ტრამპმა დაამტკიცოს.

ამერიკული ჯარის გაყვანის სანაცვლოდ „თალბანმა“ უნდა აიღოს ვალდებულება, რომ ისეთ დაჯგუფებებს, როგორიც „ალქაიდა“ და „ისლამური სახელმწიფოა“, არ მისცეს საშუალება, ავღანეთის ტერიტორია აშშ-სა და მის მოკავშირეებზე თავდასხმის დაგეგმისთვის გამოიყენონ.

ვეტერანმა ავღანელ-ამერიკელმა დიპლომატმა ხალიზადმა განაცხადა, რომ შეთანხმების მიზანია, წერტილი დაესვას ომს, რაც, თავის მხრივ, ძალადობის შემცირებას გამოიწვევს. თუმცა, არ არსებობს ცეცხლის შეწყვეტის ოფიციალური ხელშეკრულება ამ საკითხზე მოლაპარაკებების გამართვა და შეთანხმების მიღწევა თავად ავღანელებზეა დამოკიდებული. ხალიზადის ინფორმაციით, ე.წ. შიდა მოლაპარაკებების გამართვა ნორვეგიაშია დაგეგმილი, რის შედეგადაც თალიბებმა და დასავლეთის მიერ მხარდაჭერილმა ქვეყნის ხელისუფლებამ უფრო ფართო პოლიტიკურ შეთანხმებას უნდა მიაღწიონ.

შეთანხმების სხვა დეტალები ჯერჯერობით უცნობია. უცნობია ასევე ის, თუ როდის დატოვებს დარჩენილი 14,000-მდე ამერიკელი ჯარისკაცი ავღანეთს.

იხილეთ ვიდეო: აშშ ავღანეთიდან 5 000 ჯარისკაცს გაიყვანს და ხუთ ბაზას დახურავს

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს