გიგი უგულავა - ლეგალიზებული სადიზმია გახარიას პრემიერად  დანიშვნა - ბევრი საზიზღარი ტიპი ჰყავს „ოცნებას“, მაგრამ ღარიბაშვილი ექსპონატია მათ შორის

ასეთი სიბინძურისა და დაძაბულობის შემდეგ, ივანიშვილი უბრალოდ იძულებული გახდება, რომ ეს ქვეყანა დატოვოს, - ასე შეაფასა „ევროპული საქართველოს“ ერთ-ერთმა ლიდერმა გიგი უგულავამ სამთავრობო ცვლილებები.

როგორც გიგი უგულავამ „ინტერპრესნიუსთან“ საუბრისას განაცხადა, სამთავრობო ცვლილებები მმართველი გუნდის სასოწარკვეთის ნიშანია, რაც იმას ნიშნავს, რომ ბიძინა ივანიშვილს აღარ ჰყავს ახალი ადამიანები და აღარ აქვს რესურსი, რომ „რამენაირად თავისი მთავრობა შეფუთოს.“ მისივე თქმით, სამოქალაქო საზოგადოებამ და ოპოზიციამ პარტიების მრავალფეროვნებითა და ერთიანობით „ქართული ოცნება“ უნდა დაამარცხონ.

„ეს ცინიზმის მწვერვალია, საზოგადოებისთვის თვალებში არამარტო ნაცრის შეყრა ან აბუჩად აგდება, არამედ ომის გამოცხადება. ამით ივანიშვილი საკუთარ საზოგადოებას ეუბნება, რომ ჩემთვის ხალხი აღარ არსებობს, არსებობენ მხოლოდ ჩემი მომხრეებიო. ეს არის ძალიან სახიფათო ქვეყნისთვის.

ლეგალიზებული სადიზმია გახარიას დანიშვნა პრემიერ-მინისტრად, ეს არის საზიზღრობისთვის და სადიზმისთვის ხელების გახსნა, ეს არის წახალისება ყველაფერი საზიზღრობის, რასაც ვასაძე და ეს ჯგუფები, ღარიბაშვილისა და გახარიას ხელდასმით ამდენი ხნით აკეთებდნენ. ეს ყველაფერი არის დღევანდელი დღე და ივანიშვილს არ ეპატიება.“ - განაცხადა გიგი უგულავამ.

მისივე თქმით, ირაკლი ღარიბაშვილის თავდაცვის მინისტრად დანიშვნა საგანგაშო სიგნალია არამხოლოდ საზოგადოებისთვის, არამედ ჯარისთვისაც, რომელიც ისტორიულად არც ერთ შიდაპოლიტიკურ ცხოვრებაში არ ჩარეულა.

„ღარიბაშვილი უპრინციპო, უღირებულებო ადამიანია, რომელიც ხელის ჩამორთმევის გარეშე გაუშვა საერთაშორისო საზოგადოებამ, ჩვენი პარტნიორებისთვის ხელჩამოურთმელი სუბიექტი იყო და ზუსტად ამიტომ გაუშვეს მაშინ. ეს ადამიანი ინიშნება ახლა თავდაცვის მინისტრად იმისათვის, რომ პოლიტიკურად არასასურველი და მიუღებელი პირები იქიდან ამოცხრილოს, შესაბამისად, პოლიტიკური ლოიალობის კუთხით დაამყაროს ვითომ წესრიგი. ეს იქნება კატასტროფა. ბევრი საზიზღარი ტიპი ჰყავს „ოცნებას“, მაგრამ ღარიბაშვილი ექსპონატია მათ შორის. ცალკე გახარია, რომელიც უტიფრობის სიმბოლოა დღეს და ცალკე ღარიბაშვილი, რომელიც ჯარს დაუყენეს პოლიტიკური კონტროლისთვის, ძალიან სარისკო თამაში იქნება ივანიშვილის მხრიდან. ის პრაქტიკულად ვა-ბანკზე მიდის.“- განაცხადა გიგი უგულავამ.

ამასთან, მისი თქმით, საზოგადოების რაიმე სახით დაშინებას აზრი არ აქვს.

„ივანიშვილმა თავის თავს და პერსპექტივას დაუსვა წერტილი დღეს, როცა გახარია და ღარიბაშვილი წარადგინა მთავრობაში. ეს არის სიგნალი, რომ იქნება საშინელი, საზიზღარი, ბინძური, ძალადობრივი კამპანია, რომელსაც ივანიშვილი გახარიას და ღარიბაშვილის ხელით ჩაატარებს, მაგრამ ამას მაინც წააგებს. ასეთი სიბინძურისა და დაძაბულობის მერე, ივანიშვილი უბრალოდ იძულებული გახდება, რომ ეს ქვეყანა დატოვოს. მან თავის თავს დაუსვა დღეს დიაგნოზი და თავის მომავალს უთხრა უარი ამ ქვეყანაში. ეს უნდა გააცნობიეროს. ძალიან გაერთო ამ პოლიტიკური თამაშებით“, - განაცხადა გიგი უგულავამ.

„ქართულმა ოცნებამ“ პრემიერ-მინისტრის პოსტზე შს მინისტრი გიორგი გახარია წარადგინა. ამასთან, შინაგან საქმეთა მინისტრის პოსტს ვახტანგ გომელაური, თავდაცვის მინისტრის თანამდებობას კი ირაკლი ღარიბაშვილი დაიკავებს.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში