დაბადების ადგილი: საჩხერის მუნიციპალიტეტი, სოფელი ჭორვილა. 1980 წელს დაამთავრა თბილისის სახელმწიფო უნივერსიტეტი. სწავლის პარალელურად მუშაობდა კამოს სახელობის მექანიკურ-ჩამომსხმელ ქარხანაში დამლაგებლად და მუშად; 1980 წელს ამავე ქარხანაში უფროს ინჟინრად, მოგვიანებით კი სამეცნიერო ლაბორატორიის ხელმძღვანელად დაინიშნა; 1982-1986წწ. სწავლობდა ასპირატურაში შრომისა და სოციალური პრობლემების მოსკოვის ინსტიტუტში; 1988 წელს მეგობრებთან ერთად დააფუძნა კოოპერატივი "აგროპროგრესი", რომელიც მოგვიანებით სამეწარმეო კომპანიად გადაიქცა; 1991 წელს გახდა ბანკ "როსიისკი კრედიტის" დირექტორთა საბჭოს თავმჯდომარე და მისი პრეზიდენტი; 2012-2013წწ. საქართველოს პრემიერ-მინისტრი; 2000 წლიდან სან-მარინოს საპატიო კონსულია საქართველოში. 2005-2010წწ. ქველმოქმედებაზე სულ 1 156 081 151 ლარი დახარჯა. ქველმოქმედება ფონდების - "ქართუ", "ისტორიულ ძეგლთა დაცვისა და გადარჩენის ფონდი" და ასოციაცია "ატუს" მეშვეობით ხორციელდებოდა. თანხა კულტურის, ხელოვნების, სპორტის, მედიცინის, მეცნიერების, განათლების, სოფლის მეურნეობის სფეროებსა და სოციალურად დაუცველ პირთა დახმარებაზე გადანაწილდა.

დისერტაციის თემა - "მეცნიერული ორგანიზაცია და შრომის ეკონომიკა", დაიცვა 1982 წელს.

ბიძინა ივანიშვილი არის პოლიტიკური პარტია "ქართული ოცნება-დემოკრატიული საქართველოს" დამფუძნებელი (2012წ);