თემქაზე მოკლული ქალს სასიკვდილო ჭრილობები თავის არეში, სავარაუდოდ, ბასრი იარაღით აქვს მიყენებული. როგორც გარდაცვლილის მეზობელმა ეთერ იმერლიშვილმა "ინტერპრესნიუსს" განუცხადა, შემთხვევის დროს ქალი სახლში, სავარაუდოდ, მარტო იყო.

მისივე თქმით, გარდაცვლილი 62 წლის სიმა მირზოევაა. ჰყავს მეუღლე, შვილები კი საზღვარგარეთ ცხოვრობენ. "დაახლოებით 11:30 საათისთვის შეამჩნიეს კვამლი სახლში, გამოიძახეს მაშველები,მოვიდნენ და ნახეს გარდაცვლილი ქალი. თავის არეში აქვს მიყენებული დარტყმა. ქალი მეუღლესთან ერთად ცხოვრობდა. დღეს მეუღლე სამსახურში წავიდა და ამ პერიოდში მოხდა ეს ამბავი.მერე დავურეკეთ მეუღლეს, რომელმაც კარები გააღო და ნახა ეს ამბავი. პოლიცია ამბობს, რომ ქალს თავი ბასრი იარაღით აქვს დასერილი", - განაცხადა იმერლიშვილმა.

იხილეთ ვიდეო: "გამურული, თავში ნაწამები ნახეს... მეუღლე რომ სამსახურში წავიდა მაშინ მოხდა..." - რას ყვებიან მეზობლები თემქაზე მომხდარი მკვლელობის შესახებ