სამართლებრივი მხარე ამ საქმეს ფიზიკურად არ გააჩნია, ხელისუფლება პროკურატურის მეშვეობით ცდილობს "მთავარი არხის" განეიტრალებას - ამის შესახებ ჟურნალისტებს ნიკა გვარამიას ადვოკატმა, დიმიტრი საძაგლიშვილმა განუცხადა.

საძაგლიშვილის განცხადებით, ხელისუფლებას ორი მიზეზი აქვს, ერთი, რომ ხელი შეუშალოს "მთავარი არხის" მაუწყებლობას და მეორე - "რუსთავი2"- ის გაკოტრება ნიკა გვარამიას დააბრალონ. საძაგლიშვილის თქმით, ხელისუფლებას ორივე მიზანი შეუსრულებელი დარჩება.

„სამართლებრივი მხარე ამ საქმეს ფიზიკურად არ გააჩნია, ხელისუფლება პროკურატურის მეშვეობით ცდილობს "მთავარი არხის" განეიტრალებას. როგორც ჩანს ხელისუფლებაში ფიქრობენ, რომ თუ გვარამიას ბრალს დაუმძიმებენ და მოგვიანებით დააკავებენ, ამით ხელს შეუშლიან ახალი არხის ფუნქციონირებას, რაც არც ერთ შემთხვევადი არ მოხდება და მეორე მიზანი შეიძლება იყოს, "რუსთავი2"-ის გაკოტრება, სადაც ხელისუფლებას სჭირდება განტევების ვაცი, რომ თქვას, აი, ნიკა გვარამიას ქმედებების გამო გაკოტრდა არხიო. სინამდვილეში ეს მიზანიც ვერ იქნება მიღწეული, ვინაიდან "რუსთავი 2" ყველაზე წარმატებული იყო ნიკა გვარამიას დირექტორობის დროს, "- განაცხადა დიმიტრი საძაგლიშვილმა.