დეპუტატ აკაკი ბობიხიძის განმარტებით, პოლიციას ემზარ კვიციანის დაკავების უფლებაც და ვალდებულებაც ჰქონდა.

როგორც ბობოხიძემ განაცხადა, ეს ის შემთხვევა იყო, როცა პოლიცია დეპუტატის მიერ დანაშაულის ჩადენას შეესწრო და ამ შემთხვევაში მისი დაკავებისთვის პარლამენტის თანხმობა არ სჭირდებოდა.

"ეს არის ის ერთადერთი შემთხვევა, როდესაც პოლიციას არ სჭირდება პარლამენტის თანხმობა და დანაშაულზე წასწრების შემთხვევაში, მათი არა თუ უფლება, არამედ ვალდებულებაცაა, რომ აღკვეთონ დანაშაული. თუმცა ამას პოლიცია შორიდან უყურებდა. ამას ჩვენ მიჩვეულები ვართ. უბრალოდ მაინტერესებს, ამის შემდეგ, რას იტყვის გიორგი გახარია, რომელიც თავიდანვე ამბობდა, რომ არ გადადგება, რადგან მან უნდა დაიცვას პოლიციელთა ინტერესები და ღირსება, გავრილოვის ღამის შემდეგ პასუხისმგებლობის საკითხში. ამ კაცს ხმა არ ამოუღია, როცა პრეზიდენტმა პოლიციელის მკვლელი შეიწყალა და დღეს ბატონმა კვიციანმა ახალგაზრდები კი არ შეურაცხყო და გაუსწორდა, გაუსწორდა იმ პოლიციელებს, რომლებიც იდგნენ და იძულებული იყვნენ შერიგებოდნენ ამ უკანონობას", - განაცხადა ბობოხიძემ.