„ნაციონალური მოძრაობის“ დესტრუქციის მოგერიებაში ხელისუფლებისა და საზოგადოების იმხელა რესურსი იხარჯება, ეს რესურსი ქვეყნის განვითარებისკენ რომ მივმართოთ, ქვეყანა გაცილებით დიდი ნაბიჯებით წავა წინ - ამიტომ ეს დესტრუქცია უნდა დასრულდეს! - აღნიშნული განცხადება პარლამენტის პლენარულ სხდომაზე ადამიანის უფლებათა დაცვის კომიტეტის თავმჯდომარემ სოფო კილაძემ გააკეთა.

მისივე თქმით, ამ კვირამ ყველა დაარწმუნა, რომ „ნაციონალური მოძრაობა“ გააფთრებული, ყველანაირი ხერხის გამოყენებით ხელისუფლებაში დაბრუნებას ცდილობს.

„ის ებრძვის არა „ქართულ ოცნებას“, არამედ ქართულ საზოგადოებას. მეგობრებო, საზოგადოება ამდენი დაპირისპირების ყურებით დაიღალა. ამათი დესტრუქციის მოგერიებაში ხელისუფლებისა და საზოგადოების იმხელა რესურსი იხარჯება, ეს რესურსი ქვეყნის განვითარებისაკენ რომ მივმართოთ, ქვეყანა გაცილებით უფრო სწრაფად და დიდი ნაბიჯებით წავა წინ. ამიტომ თუ ჩვენ გვინდა ქვეყანა წინ წავიდეს, ეს დესტრუქცია უნდა დასრულდეს!“, - განაცხადა სესიაზე სოფო კილაძემ.