პროფილაქტიკური სამუშაოების გამო, 17 სექტემბერს 01:00 საათიდან 04:00 საათამდე სს „საქართველოს რკინიგზის“ კორპორატიული ქსელი გაითიშება. ამის შესახებ „საქართველოს რკინიგზის“ განცხადებაშია ნათქვამი.

აღნიშნულის გამო, შეფერხებით იმუშავებს გარე და შიდა სერვისები: სატვირთო გადაზიდვების ერთიანი სისტემა გარე მომხმარებლებისთვის, კომერციული სალაროებიდან ბილეთების გაყიდვის სერვისი, ინტერნეტ ბილეთების გაყიდვა, რკინიგზის კორპორატიული ვებგვერდი, რკინიგზის კორპორატიული ელექტრონული ფოსტიდან წერილების გაგზავნა და მიღება კორპორატიული ქსელის გარეთ.