ავჭალის რაიონის მაჟორიტარმა დეპუტატმა კობა კობალაძემ საკუთარ სამაჟორიტარო ოლქში მდებარე სკოლებსა და ბაღებს სასწავლო წლის დაწყება მიულოცა. ინფორმაციას პარლამენტის პრესცენტრი ავრცელებს.
„ძვირფასო პედაგოგებო, მოსწავლეებო, მშობლებო გილოცავთ ახალი სასწავლო წლის დაწყებას, გისურვებთ სასწავლო-სააღმზრდელო პროცესი თითოეული თქვენგანისთვის ყოფილიყოს ნაყოფიერი და წარმატებებით გამორჩეული.
განსაკუთრებით ვულოცავ ჩვენს პირველკლასელებს და პირველკურსელებს, მათ ცხოვრებაში ახალი მნიშვნელოვანი ეტაპი იწყება, წარმატებას ვუსურვებ მათ ამ მნიშვნელოვან გზაზე. ჩვენი ბავშვების და ახალგაზრდების მონდომებაზე, ცოდნასა და შრომისმოყვარეობაზეა დამოკიდებული საქართველოს მომავალი-ემსახურონ და ღირსეული მამულიშვილობა გაუწიონ სამშობლოს“, - განაცხადა კობა კობალაძემ.