აშშ-ის შტატ იუტაში ავტოსაგზაო შემთხვევას 4 ადამიანი ემსხვერპლა, 26 კი დაშავდა. ამის შესახებ ინფორმაციას ადგილობრივი მედია ავრცელებს. მათი ინფორმაციით, ავტობუსი, სადაც ძირითადად ჩინელი ტურისტები იმყოფებოდნენ გზიდან გადავიდა და გადაბრუნდა. შემთხვევის შედეგად 4 ადამიანი ადგილზე დაიღუპა. 26 დაშავებული საავადმყოფოში ვერტმფრენით გადაიყვანეს, 15 მათგანის მდგომაროება კრიტიკულია.
ჯერჯერობით უცნობია თუ რა გახდა ავტობუსის გზიდან გადავარდნის მიზეზი. მომხდარის შესასწავლად აშშ-ში არსებულმა ჩინეთის საელჩომ იუტას შტატში დიპლომატები გააგზავნა.